鋒膳

营业中

休息中

家父一向对饮食冇咩要求，突然之间有一日话想试吓呢间餐厅，我当然即刻打电话去订位啦。星期日嘅午餐，可能因为我哋迟咗几分钟，最后俾咗第二个，职员都好识做立即喺第二个位开返一张四人枱比我哋。家母一向只喜欢饮茶，几十年如是，从不厌倦。估唔到佢睇完个餐牌嘅食物，立即比‘爵士汤’ 吸引咗。所有set lunch, 如果点粉面会跟粟米水，如果系饭嘅就会跟爵士汤。最后我哋要左两客叉烧煎蛋饭，一客蕃茄猪扒饭同一客芦笋牛腹肉饭。等左一阵爵士汤送上，味道清甜，应该系有响螺。之后啲饭都嚟埋。先讲叉烧煎蛋饭，叉烧味道腌得唔错，属于中上货色。但如果只论叉烧，西x 嘅叉烧比较好食。两只太阳蛋煎得好香，但老人家怕胆固醇太高，所以每人将一只分比我同家姐。家姐点蕃茄猪扒饭，猪扒好林，加只荷包蛋会好味啲。番茄酱味道一般，感觉新鲜蕃茄味都唔足够，坦白讲，普普通通。芦笋牛腹肉饭，可能我点嘅时候冇问清楚，原来系有三色椒同洋葱🧅⋯⋯个人喜好原因所以食欲大减埋单嘅时候先发现佢嘅午餐冇加一。服务员非常有礼貌。睇过OpenRice其他的食评，可能要私房菜set会有更多惊喜。纯粹讲set lunch, 我对今餐有小小失望。