中村藤吉香港店 (已結業)

估唔到唔使排队都可以食到中村藤吉嘅抹茶产品！今次喺便利店度，见到中村藤吉嘅绿茶雪糕，当然唔会放过啦。虽然系杯装，size较细小，但系绿茶控系绝对唔会介意！抹茶雪糕味道相当浓郁，入口已经系阵阵嘅绿茶香，甜度适中，仲做到有回甘嘅效果。同中村藤吉一贯嘅绿茶产品一样，绿茶同奶嘅比例会系茶味较重，奶味较轻，系相当之适合钟意绿茶味偏重嘅朋友。雪糕嘅质感比较厚重，系我比较钟意嘅口感，即使细细杯都已经令人好满足，夏天食一杯简直系透心凉啊！