Reserva Ibérica 西班牙小食吧及咖啡室 (利園三期) (已結業)

我本来想试吓依间咖啡室，见到食评都唔错，于是订咗位同女朋友食生日晚餐，订位时已经注明咗女朋友生日并要求准备生日蛋糕🎂，入到去见到有几个人喺度大声倾偈本来以为系职员，点知原来系职员啲friend，之后我谂应该系经理招呼我哋，佢由始至终都冇提过生日同埋生日蛋糕嘅事情，另外，埋单签咭，经理俾返张单同咭我嘅时候，净系同我讲「依张系你嘅」，连多谢都冇讲过，我听到之后真系无明火起走嘅时候都冇讲过多谢，服务态度真系差到冇人有至于食物质素同味道都系一般，但系价钱就超贵，咁嘅服务态度同食物质素根本唔值咁嘅价钱，简直系垃圾级别嘅咖啡室，以后都唔会再去帮衬呀