影片
更多
2016-02-03
2348 浏览
老实讲出街食得团年饭预左贵，一年一次难得一家人齐齐整整唔紧要啦，最紧要食得开心啫。家中又老又幼近近哋，结果拣咗呢间，势估唔到食咗咁多年团饭都未试过食得咁唔开心！服务态度睇见已经唔开胃，而且贵得唔抵，贵唔系问题因为预咗，但系唔好欠诚意，细碟又难食！最难忘就系个花胶鸭掌煲，写明系煲问都冇问就用碟上，问点解佢话唔够煲用，唔够煲用都可以沟通下先架嘛！一提到可能违反商品说明条例，佢就话入去转返个煲…咦? 头先又话唔够煲用嘅? 完全感觉被骗！ 以后少一个选择噜。。。 蒜香骨：呢碟系全晚卖相最靓架喇，所以只系影得一张相。食落干如草柴、只得七粒唔够分。👇其他菜色👇蟹肉炒西兰花：蟹肉数量极为稀少，可见其珍贵，而且完美地隐藏喺芡汁之中。因为落芡太重，味同嚼蜡。带子炒蛋：上菜很慢，炒出嚟嘅蛋仲系半生熟嘅，而且蛋沟左好多粉; 唔难食，但系都唔好食。花胶鸭掌煲：竟然用碟上，上碟时花胶冻咗有啲腥，盛惠$148+ten，唔算贵，不过有个「煲」字用煲上系常识。白切鸡：比较正常，可惜少少过熟肉质嚡嚡地，呢个系全晚最好食嘅𩠌。白饭：干得滞有啲饭骨，疑似隔夜，用嚟做炒饭应该几好食嘅…如果有下次都系叫炒饭。
服务态度睇见已经唔开胃，而且贵得唔抵，贵唔系问题因为预咗，但系唔好欠诚意，细碟又难食！
最难忘就系个花胶鸭掌煲，写明系煲问都冇问就用碟上，问点解佢话唔够煲用，唔够煲用都可以沟通下先架嘛！一提到可能违反商品说明条例，佢就话入去转返个煲…咦? 头先又话唔够煲用嘅? 完全感觉被骗！
以后少一个选择噜。。。
蒜香骨：呢碟系全晚卖相最靓架喇，所以只系影得一张相。食落干如草柴、只得七粒唔够分。
蒜香骨
$108
58 浏览
0 赞好
0 留言
蟹肉炒西兰花：
蟹肉数量极为稀少，可见其珍贵，而且完美地隐藏喺芡汁之中。因为落芡太重，味同嚼蜡。
带子炒蛋：
上菜很慢，炒出嚟嘅蛋仲系半生熟嘅，而且蛋沟左好多粉; 唔难食，但系都唔好食。
花胶鸭掌煲：
竟然用碟上，上碟时花胶冻咗有啲腥，盛惠$148+ten，唔算贵，不过有个「煲」字用煲上系常识。
白切鸡：
比较正常，可惜少少过熟肉质嚡嚡地，呢个系全晚最好食嘅𩠌。
白饭：
干得滞有啲饭骨，疑似隔夜，用嚟做炒饭应该几好食嘅…如果有下次都系叫炒饭。
张贴
