Seafood Stand (已結業)

平时成日都系钻石山食饭，有时会去吓新蒲岗，今次就决定去一转乐富，试吓新嘢先！头盘：罗宋汤，清清地，又唔算太酸，好快清哂。头盘2：芝士焗西兰花，小朋友唔钟意食菜，但加埋芝士焗。佢地就会抢住食，不过就淡味咗少少。加配食品：猪仔脾 & 台湾肠，其实佢有好几款加配食物，我地拣咗两款叫，台湾肠同平时食𠮶啲差唔多，猪仔脾我地叫咗一只后，即时叫多一只，好好味。主菜：鲜茄焗猪扒饭，有小朋友，一定要叫饭，酸酸地好开胃，食完只想食更多嘅嘢食。主菜2：美国安格斯肉眼扒，可以配意粉/饭，本身就配少量薯菜，肉眼唔算多筋位，小朋友都食到。餐饮：冻蜜桃茶 & 椰林飘香，都系套餐加配，椰林飘香好好饮，好香椰味。