沖繩二段料理 (大本型)

营业中

休息中

午市定食套餐有2大类，饭/乌冬，包餐饮及甜品。大阪烧吉列猪扒+樱花虾浓汤乌冬（$97）吉猪合格，外脆（但微微偏硬）、肉OK唔嚡，大阪烧酱汁都几衬块猪扒。虾浓汤比预期中好，虽未至于好浓郁，但系有虾味嘅；乌冬烟韧；有不少樱花虾。寿喜烧锅煮美国牛肉+蕃茄锅烧芝士炊饭（$85）寿喜烧锅大量蔬菜，牛肉都不少，仲有粉丝粟米，味道劲似牛肉饭，系好味的。炊饭有蕃茄味，捞埋溶咗嘅芝士一齐食味道不错，因为个锅好热，所以个底有微微饭焦（但唔会脆的，因为个饭底偏湿）。甜品本来都冇咩期望，但竟然喜出望外。冲绳海盐焦糖冬甩雪糕，冬甩外脆内软糯，口感特别，焦糖酱唔太甜，配埋雪糕一齐食好夹（雪糕面系有洒上海盐，但食唔出），另外有一小pat紫薯。