2+2 Café (已結業)

呢几排真系好crazy ， 每晚都好似系咁食系咁食 ， 今晚同朋友一齐试下呢间酒店食自助晚餐， 其实呢间酒店我起码冇试十年， 咁又介绍下佢啦，其实呢度都有好多嘢食， 今晚呢间酒店做紧冲绳之夜 。因应佢今次主题，佢啲冲绳雪盐烧虾非常好味。 咸咸哋同带有虾嘅鲜味。 同埋佢𠮶啲烧多春鱼同秋刀鱼都好快畀人扫晒。 所以我觉得系烧嘢食𠮶方面做得非常好。佢有其他食物例如龙虾、鱼生饭、寿司 、生果、同各式各样嘅中西式食物佢都有，而我 最钟意食就系佢𠮶啲烧牛， 因为佢𠮶啲全部系日本和牛。 日本和牛个 quality真系完全唔同其他酒店𠮶啲牛。 肉质嫩滑带有鲜牛味。厨师亦都好努力系咁烧牛畀我哋食 ，所以呢间酒店今次嘅主题自助餐我诚意推荐。