影片
更多
2014-08-04
1029 浏览
首先要解释一下个标题。暖，并唔系指食物和暖，而系指便当俾我个种温暖窝心既感觉。餐厅位于Mikiki，的确有啲唔方便。相信如果佢开系尖沙咀区，人流一定多好多。十二点三去到，只有一台客。餐厅感觉几young，墙壁嘅插图色彩缤纷，侍应亦都好年轻。menu好简单，三款便当，另外有六七款单品。我地不约而同咁叫咗桃桃町，但就试三款唔同嘅Oki缤(即系炸包)。一个便当有五款食物，包括水云黑醋沙律，海葡萄沙律，手延面，苦瓜奄列同Oki缤。水云黑醋沙律好似海草，酸酸地，爽口嘅。海葡萄其实系无味嘅，余下嘅沙律带有醋味，几开胃。手延面带点烟韧，而且几滑，虽然个汤好清，但一啲都唔寡。自己其实唔多钟意食苦瓜，但佢个苦瓜奄列一啲都唔苦，蛋里面系流心，仲加左芝士，非常出色，仲要分量十足！到个Oki缤，听讲呢度嘅Oki缤系全港最好食，但我除咗系面包店食过咖喱缤，就无系其他地方食过，评论唔到。B缤系我的最爱。红芋做得冲绳特产，当然有翻甘上下。好香嘅红芋味，加上烟韧嘅日本年糕，面包炸得香脆，包上面应该仲落左粗海盐，好滋味！G缤其实同B缤差唔多，一样好好味。J 缤不太特别，个皮偏厚。整体黎讲Oki缤好似甜食较好。就连甜品都
餐厅位于Mikiki，的确有啲唔方便。
相信如果佢开系尖沙咀区，人流一定多好多。
十二点三去到，只有一台客。餐厅感觉几young，墙壁嘅插图色彩缤纷，侍应亦都好年轻。menu好简单，三款便当，另外有六七款单品。我地不约而同咁叫咗桃桃町，但就试三款唔同嘅Oki缤(即系炸包)。
一个便当有五款食物，包括水云黑醋沙律，海葡萄沙律，手延面，苦瓜奄列同Oki缤。水云黑醋沙律好似海草，酸酸地，爽口嘅。海葡萄其实系无味嘅，余下嘅沙律带有醋味，几开胃。手延面带点烟韧，而且几滑，虽然个汤好清，但一啲都唔寡。自己其实唔多钟意食苦瓜，但佢个苦瓜奄列一啲都唔苦，蛋里面系流心，仲加左芝士，非常出色，仲要分量十足！到个Oki缤，听讲呢度嘅Oki缤系全港最好食，但我除咗系面包店食过咖喱缤，就无系其他地方食过，评论唔到。
B缤系我的最爱。红芋做得冲绳特产，当然有翻甘上下。好香嘅红芋味，加上烟韧嘅日本年糕，面包炸得香脆，包上面应该仲落左粗海盐，好滋味！
G缤其实同B缤差唔多，一样好好味。
J 缤不太特别，个皮偏厚。整体黎讲Oki缤好似甜食较好。
就连甜品都有惊喜！本身以为花生豆腐会好似豆腐花咁，唔知食落去又滑又烟韧，少少甜，非常特别！当初以为便当会唔够饱，点知食下食下，发现份量都几足够，仲要不惊不觉食左六款食物，格外有一份暖暖嘅满足感。
张贴
