Ben哥米線 (搵食市集) (已結業)

成日食X仔米线食到冇乜新意, 想试下其他舖头既米线, 路过呢间BEN 哥米线, 就试一试佢, 第一次黎, 问老板推介咩汤底, 佢话钟意浓汤就蕃茄同沙嗲汤, 我就非常钟意沙嗲汤嘅, 仲要系浓汤, 一于叫沙嗲汤, 老板话加小小辣仲好食, 就照佢意思啦。𩠌我就叫左 猪软骨、炸酱、墨鱼头。由于冇乜期望会特别好食, 所以冇事前影相, 饮左几口汤, 沙嗲汤底十分浓郁, 好有沙嗲味, 如果钟意食沙嗲牛肉面的朋友真系要一试!! 猪软骨十分软, 不会一夹就散；炸酱, 不过不失, 正常水准, 由于炸酱上菜已经落左碗面入边, 试不到太多, 下次我会叫另上；墨鱼头, 正!! 爽!! 有咬口!! 大粒!! P.S. 本身冇谂过咁好食, 所以冇影左相先食, 但佢个汤底真系好正, 所以饮左几淡先影。希望推荐比大家试下, 一定要试下个沙嗲汤底加小辣! 我会再去试下其他汤底。