貳號冰室 (怡東商場)

营业中

休息中

每朝经过都见到好多人排队买早餐🍞今朝时间比较充裕，所以就同朋友入去食一个早餐先返工。冰室设计新颖，采用明亮色调，光光猛猛。卡位阔落，坐得舒服。🐮沙嗲牛肉面配炒蛋，牛油餐包及热奶茶（$39）每次去到一间未食过嘅茶餐厅，我都必定会点沙嗲牛肉公仔面嚟试吓。沙嗲牛肉面嘅好好与坏，就会断定我下次会唔会再返转头帮衬。贰号冰室嘅沙嗲味浓，兼有少许花生粒感，牛肉无筋，公仔面爽口，三样重要原素有齐，合晒我心意😋 奶茶奶味足够，略嫌茶味比较淡。🍜雪菜肉丝米粉配煎双蛋，牛油餐包及冻奶茶（$39，冻饮+$3）朋友将煎双蛋改成炒蛋，炒蛋嘅蛋味浓郁，而且嫩滑。雪菜唔会过咸，肉丝亦柔软，米粉稍为腍身。