沙嗲王 (眾安街) (已結業)

游咗一个大花园，最后阿sir拣咗去沙嗲王，因为款式种类比较多，仲有佢间唔中有新菜式，同埋唔驶等位又可以坐耐dd，所以无提议果日就会嚟开饭。蟹粉豆腐锅(配薄饼) $84❤️❤️❤️新菜式蟹粉味唔够浓，只食到轻微蟹粉味，但个汁几creamy几吸引，似黄金蛋黄味道，配薄饼食一流呀，豆腐细细粒又够滑，呢个锅确实实不错！薄饼系酥皮质地，有层次有质感，唔钟意薄饼可选白饭石锅奶油娃娃菜 $42❤️以前有款唔系用石锅嘅奶油津白，好味程度系每次嚟必叫，但呢个石锅款完全两回事，首先石锅好黐菜兼㶶咗，其次奶油＋油变咗另一种味道，即无奶油味，一句讲晒唔好味！椒盐鸡软骨 $33❤️❤️❤️❤️鸡软骨有少少肉黐住，令整粒鸡又软又爽，口感不错，炸浆炸得香脆可口热辣辣，点他他酱超级好味芒果珍珠(半价) $24❤️❤️芒果香甜，珍珠烟韧，各有各好味，但两者加埋就变成一个奇怪组合，大家千祈唔好试😆二人共消费：$202