王孖記果子 (已結業)

王孖记果子，久仰久仰，估唔到第一次帮衬唔系买芒果糯米糍，而系食黄姜饭。黄姜饭有蜜烧猪颈肉，烧鸡肉串，烧猪肉串，烧鸡髀四种口味，本来想试猪颈肉，点知十二点开卖，一点松啲就只剩番后两者，唔钟意喺屋企以外嘅地方食鸡髀，怕食到一手一口都系油，最后唯有拣猪肉串。黄姜饭果然名不虚传，色香味俱全，配埋面头嘅炸蒜片，斋食饭都好好味；沙嗲酱微辣，椰香同花生香都好吸引，唔错；反而个猪肉串就有少少失望，烧得比较㶶，肉质亦有啲硬。下次要早啲去试下个猪颈肉。