扒王之王 (已結業)

上星期带小朋友去拎回乡证，拎完都已经系3点几，小朋友大叫肚饿，心知佢地偏好西餐，又因为小朋友多要坐得好少少，就决定入扒王之王食个下午茶。我叫左个烟鸡肉杂菜沙律，估唔到沙律菜又几新鲜，烟鸡肉又唔会鞋身，仲够味道，连我唔中意食肉嘅女都食。西多士：刚好炸起，好味道，但中间都系冇花生酱。记得十年前左右，扒王之王周街都系，好似7-11咁多，味道又好，但随住大家对牛扒要求高左，慢慢地扒王之王就开始没落，分店一间一间地减少。但平心而论有d食物系不错嘅。