PRET A MANGER

营业中

休息中

来到PRET A MANGER，我一定会拣Healthy Skipjack Tuna Salad（$50），因为佢只得201个卡路里，而且低脂，同埋有吞拿鱼同枝豆，可以有足够蛋白质。因为天气冻冻地，今次就买多个汤，PRET每一个星期都有一款指定汤，另外每日再有另外两款，有素有肉，即使系素食者都可以拣到。是日我拣左Pret Chicken Soup（$35），因为佢冇CREAM冇BUTTER，又系低卡低脂之选。虽然佢每一款汤都低过200个卡路里，但有啲加左CREAM，脂肪含量其实都好多，低卡唔代表饮左唔会肥。Healthy Skipjack Tuna Salad正正常常，PRET嘅菜就每一次都一定好新鲜，绝对唔会发黄。青瓜同埋车厘茄冇咩特别，洋葱辣辣地几好食，豆嘅份量就时多时少。吞拿鱼份量适中，加埋柠檬汁好食。我一向食沙律都唔会点沙律酱，因为沙律酱系所有脂肪嘅所在地呀！要健康就不如食得清淡少少，而且新鲜嘅菜即使唔点沙律酱都好好食，好FRESH！PRET嘅菜就有呢个品质保证。本来我对佢个汤都冇咩期望，但觉得几贵啰，细细杯要成$35。打开饮左啖，真系热辣辣架！天寒地冻饮返杯真系好舒服好舒服！