Bold Italic (已結業)

店內環境佈置悠閑，感覺放鬆經濟抵食是日沙律（醋汁一流），多士（牛油味濃，但不感油膩），餐湯（粟米湯）我西冷扒配意粉，黑醋汁西冷好大塊7成熟都拿捏得準確，可惜肉味唔夠濃，但同價錢相比，係合理既。雖然牛肉配黑醋汁好似唔係咁夾，但個人口味比較鐘意甜甜酸酸，所以都係揀左黑醋汁，都係非常滿意，欣賞不得不讚拌碟既牛油粟米，真係好夠牛油味，睇落完全唔似，因為望落去係一啲都唔油，都唔似有啲hea既餐廳咁，白烚就算，雖然佢只係拌碟⋯⋯但都係食物黎既，係感覺到有心去做👏🏻真係好大塊，好厚，男仕食都一定夠飽，第一次幫襯，真係唔知咁足料，最後我都係食唔哂啲意粉⋯⋯浪費左下次要叫小意粉或走意粉先得，真係好夠飽