權記雲吞麵

营业中

休息中

果日中午行到身水身汗。撘正12点正午，想食个轻松得嚟又饱肚既餐。最紧要系手机又无咩电，银包又咩钱。谂住揾银行㩒钱定咬个面包就算之际，呢个真系嚟得及时。估唔到系贵族地区都会有平民野食。而且作为港岛心脏地带，佢完美诠释左香港既精神：好.很快。拿拿声食完再拿拿声赶番去开工。话咁易就摄到位入去坐。就系传统既云吞铺感觉—简陋得嚟顺眼，油淋淋得嚟又唔觉好污糟。系西环开左地铁之后都未试过系港岛食云吞面，梗系叫佢啦。细蓉配牛丸，无钱都仲可以懒豪气咁嚟份双并。但再望住个银包，再望望枝玻璃樽装快乐水，睇嚟今日同佢就唔多够缘份喇…极速做好。云吞唔细，不过用既系细🍤，但胜在数量撘够。而牛丸就不过不失，呢个价位可以接受。加埋醋嚟食，夫复何求。等位快，上菜快，价位适中。推！