六記

营业中

休息中

平时去青衣食野都不外乎青衣城同长发，尽然餐厅唔少但大多连锁餐厅。朋友介绍下知道原来青衣有一间叫六记嘅大排档，有获气小炒仲有鸡煲客家菜。六记位于涌美，室内室外都有位坐。外表同一般大排档一样，但落单可以用QR CODE，传统得来又几先进。本来想食鸡煲，但坐底之后听见炒𩠌获气声十分吸引，所以就叫咗几碟小菜。分别系黑椒蜜烧脆薯牛柳，蒜蓉粉丝蒸鲜鱿，啫啫通菜，跟住口痕又叫咗小笼包同两罐汽水。南翔小笼包一笼有8只，刚新鲜蒸好热辣辣，记住要点醋食，令味道更上一层楼。黑椒蜜烧脆薯牛柳系每次去大排档必食嘅一碟𩠌。六记嘅薯仔同牛柳都大大件，食落外脆内软。黑蜜酱收干水之后挂上牛柳，口感味道俱备，大啖大啖食十分满足。蒜蓉粉丝蒸鲜鱿以鱿鱼为主，搭配蒜蓉和粉丝。鱿鱼爽口弹牙，加上蒜蓉的香气为整道菜增色不少。索晒味嘅粉丝比起鱿鱼毫不逊色，𩠌饭一流!最段当然要食返啲菜啦，铁板上嘅啫啫通菜同样热辣辣味道十足，真系只有大排档就可以炒得咁好味。好多人话青衣系个美食沙漠，估唔到地方细细都有一间可以同朋友一齐开心饮酒食返餐嘅大排档。