華御結

营业中

休息中

鲗鱼涌站C出口 （「香港大酒店」一带）一直都系美食沙漠，系呢头可谓无啖好食。终于，华御结黎打救呢度啦！华御结晌正C出口，舖位前身系「空气面包」，位置其实相当优越。早餐时间，经常大排长龙，始终呢头既早餐店，只有新凤凰，华御结，Pret，同空气面包既阿妈，「一千零一十」。华御结用既系日本米，质素固然有保证。微甜，小小烟韧，日本米系的确好𡁻既！佢哋既饭团🍙涵，我觉得都比其他香港既饭团好食。之前我很喜欢食明太子沙律，真系粒粒明太子，咬落有机会爆浆 🤪，但自明物屡次加价后，差唔多价钱，我就开始改食本格和风烧牛肉，只系多$1，就就食到啖啖有烧汁加持既牛肉，而且烧汁沁入饭团内，同明太子比有过之而无不及。最近，佢哋推出自家制既饮料，今日试左佢哋既牛奶咖啡，淡淡既牛奶甜味，不过咖啡明显系用平时酒店buffet量产既水汪汪咖啡，无咩咖啡味，一般啦。但要留意一点，华御结同麦记一样，实行价钱地区分级制，呢间华御结，比九龙果边，普遍食物贵$1。