鮨政 (已結業)

鮨政完全系黄竹坑打工仔嘅超级救星，呢到简直系餐厅沙漠，好难先可以揾到间高质又抵食嘅日本餐厅。Lunch Time好多人等位，由于餐厅比较细，建议最好打电话订枱先。近排因为疫情，多左外卖服务，俾大家有多个选择。午市提供唔同套餐，一个系每日供应Menu，一个系Daily精选Menu，仲有午市Omakase寿司拣 (不过由于lunch时间唔够，一直无试过)。今次一个人食，坐Bar枱，可以望住两位师傅准备食材，好有日本feel。北海道鱼生定食($128加一)除左鱼生饭，定食仲包括沙律、一碗乌冬同茶碗蒸。沙律用左柚子醋，酸酸地好开胃。刺身包括海胆、三文鱼、甜虾、蟹籽。刺身切得很厚，非常新鲜而且肥美。海胆充满海水味，紫苏叶包住甜虾一齐食，别有一番风味。手打乌冬烟韧弹牙，落埋七味粉，Perfect! 日式蒸蛋好滑，入面有菇、鸡肉等，够足料，个调味岩岩好。成个定食嘅份量好足，一定食到饱。虽然同区黎讲算比较贵，但店员嘅服务态度非常好，同埋非常用心制作食物，用料足，选料亦都好高质，强烈推介!