泰道 (已結業)

今日天朗气清，朝早入左西贡兜左转，好舒服既天气！之后上网睇下有咩好食，就search到呢间餐厅唔错，不过有啲远，见啲人多数都系揸车/的士入，咁当然行入黎都可以。佢喺沙下滩隔离，呢个沙滩唔多人，再加上今日既天气，坐喺出面望个view好靓。叫左杯椰汁红豆冰，比较甜，所以我都加左啲水沟返淡少少。红豆唔硬，几好。本人比较钟意食烧鸡，所以叫左半只。因为即叫即整，大约等左半个钟。只鸡好香，好够味，唔洗一阵就消灭左去了，可能整出黎热辣辣特别好食！最后叫埋椰汁西米糕，都几大件下。好香椰汁味，唔似出面得甜味，下面啲西米又够实，唔会一开块叶就散。