影片
更多
2019-07-07
210 浏览
Espuma 嘅tea set 卖相非常精致，令我久不久就会约埋好姊妹黎叹返个Tea倾下密计。今个夏天，Espuma嘅下午茶都换上新装，推出左渡「夏」秘境 Secret Beach Afternoon Tea Set，以迷你沙滩为主题，等我地先睹为快品尝各款咸甜点嘅同时，犹如置身于沙滩般享受著午后时光 。是日假日，我都趁住夏日，恋爱嘅季节，约左好友黎试下，一齐走一趟属于我地嘅沙滩秘境。 由于一早订左台，所以黎到唔洗等位就可以入座。等左大约10分钟之后，期待已久嘅tea set终于到啦，有别于一般西式tea set 用到嘅多层架，今日嘅食物系用木箱黎上菜，卖相相当精致，睇得出厨师系非常用心嘅，我地亦都忍唔住「相机食先」。箱内仲装左音乐盒，播住澎湃嘅海浪声，令我哋犹如置身于夏日嘅沙滩内。呢个tea set 嘅咸点包括：迷你牛油芝士汉堡牛油果虾多士卷菠菜忌廉伴烤鸡柳巴马风干火腿蜜瓜红菜头挞惹味酿蟹盖而甜点就有：红莓慕丝甜筒兰香子鲜杂果布甸香橙果冻柚子吉士挞车厘子帽子蛋糕青柠英式松饼配鲜忌廉及蜜糖果酱迷你牛油芝士汉堡:冇食午餐嘅我哋，下午茶点都要有返少少淀粉质，呢个汉堡卖相非常吸引，面包烤过后
今个夏天，Espuma嘅下午茶都换上新装，推出左渡「夏」秘境 Secret Beach Afternoon Tea Set，以迷你沙滩为主题，等我地先睹为快品尝各款咸甜点嘅同时，犹如置身于沙滩般享受著午后时光 。是日假日，我都趁住夏日，恋爱嘅季节，约左好友黎试下，一齐走一趟属于我地嘅沙滩秘境。
由于一早订左台，所以黎到唔洗等位就可以入座。
等左大约10分钟之后，期待已久嘅tea set终于到啦，有别于一般西式tea set 用到嘅多层架，今日嘅食物系用木箱黎上菜，卖相相当精致，睇得出厨师系非常用心嘅，我地亦都忍唔住「相机食先」。
箱内仲装左音乐盒，播住澎湃嘅海浪声，令我哋犹如置身于夏日嘅沙滩内。
呢个tea set 嘅咸点包括：
迷你牛油芝士汉堡
牛油果虾多士卷
菠菜忌廉伴烤鸡柳
巴马风干火腿蜜瓜红菜头挞
惹味酿蟹盖
而甜点就有：
红莓慕丝甜筒
兰香子鲜杂果布甸
香橙果冻
柚子吉士挞
车厘子帽子蛋糕
青柠英式松饼配鲜忌廉及蜜糖果酱
迷你牛油芝士汉堡:
冇食午餐嘅我哋，下午茶点都要有返少少淀粉质，呢个汉堡卖相非常吸引，面包烤过后入口脆身，牛肉入口亦都非常juicy，配上轻轻嘅芝士味，味道唔错。
牛油果虾多士卷:
虾多士就食得多,配牛油果就唔系太常见,牛油果微甜嘅味道同虾多士唔单止够夹,而且可以减低整体油腻感,唔会有饱饱滞滞嘅感觉。
菠菜忌廉伴烤鸡柳:
呢个咸点卖相有少少似甜品，菠菜加入其他材料打成蓉之后上面再加入忌廉，上面再放上鸡柳，做法相当新颖。
巴马风干火腿蜜瓜红菜头挞：
用红菜头制成既威化挞，卖相似威化筒，颜色带粉红，入面再放入香甜嘅蜜瓜同埋咸香嘅巴马风干火腿，咬落香脆，入口甜中带咸，非常特别。
惹味酿蟹盖:
蟹盖加入蔬菜酿过后再焗，入口无油腻感，值得一赞。
食完咸点后，就系时间食甜点啦。
红莓慕丝甜筒:
做法具有创意，迷你雪糕筒内红莓慕丝，入口香脆可口，味道非常夹。
兰香子鲜杂果布甸:
兰香子加入杂果同埋大菜整成嘅甜品， 卖相好似果冻，入口唔会太甜，非常清新，夏日炎炎呢啲日子食，真系可以消暑。
香橙果冻:
橙一开二之后挑走橙肉用黎盛载啫喱，雪到凝固后再切开，卖相真系好似切开咗嘅橙，做法非常有创意。
柚子吉士挞:
香脆嘅挞皮上加入吉士，上面再放上柚子，入口非常清新，好好味，值得一赞。
车厘子帽子蛋糕:
湿润嘅牛油蛋榚上加上吉士酱，用黎黏住车厘子，卖相都相当吸引，整体配搭亦都唔错。
青柠英式松饼配鲜忌廉及蜜糖果酱:
松饼系西式下午茶中算系不可缺少嘅一样食物，青柠味嘅松饼都系第一次试，味道出奇地出，同时带轻轻嘅牛油味，上台时仲系暖暖地，配上鲜忌廉同蜜糖果酱食，真系充满英式风味。
饮品包两杯饮品，我地选择左加$15 upgrade 去招牌水果茶同埋cappaucino。
水果茶充满水果味，入口香甜，带轻轻嘅茶味，餐厅仲好细心地用火坐住我哋个茶壶，坐耐啲都唔怕d茶会变冻。
至于cappuccino 咖啡味道香浓, 亦都为我地今日近乎完美嘅下午茶划上句号。
两个人坐左成个下午，食咗咁多野，又叹茶又叹咖啡，每人都系＄150左右，真系可以消除一周嘅疲劳呀。
张贴
