美德冰室 (已結業)

第一次帮衬呢间既外卖，谂住早少少系openrice落定柯打，等餐厅有时间预备，点知11点落定13:15取餐去到果时都系要等，而且系个待应好似好惊讶咁问：「你咁早落餐既，我地放埋左一边张单，忙紧忘记左」我听完都有点唔知讲咩好，做人唔驶咁坦白既，礼貌讲句「得即刻帮你跟返」就掂架啦～ 好彩后尾个待应都有讲返唔好意思，同埋厨房即刻跟返张单，唔系等太耐就拎到餐讲返个外卖《沙爹牛肉公仔面》配《3.6牛乳火腿奄列、丹麦多士》及《热奶茶》由于好肚饿，同埋惊加左汤后个公仔面会稔哂，所以直接无加汤食，变沙嗲牛肉捞公仔面，都好好食啊，个沙嗲汁有茶餐厅水准奄列就唔系太食得出个牛乳嘅味道，不过个颜色好金黄，卖相唔错嘅！而杯奶茶就都OK，见餐厅系用植物性嘅淡奶，有别于一般茶餐厅用黑白牌淡奶，呢度嘅奶茶冇咁浓奶味，但系茶奶比例配合得唔错$37既价钱我觉得都抵食既！