聯發茶餐廳

营业中

休息中

其实九龙城真系有好多好野食，大部分都系小店，系一个少有的区域未被连锁餐厅攻陷。星期六晏左起身过哂午餐时间，就决定黎茶餐厅，食物都系全日供应，过左午餐时间都冇所谓。茶记就梗系唔少得常餐啦！太肚饿挂住食都冇影多士炒蛋。但牛油多士好厚好正，烘得好脆，牛油啱啱好。炒蛋唔会油，但略嫌散左啲，但够哂滑！沙爹鲜牛肉出前一丁，简直系茶记必选，呢度亦冇令我失望，份量又够，最紧要系沙爹味浓，微辣，够哂味，出前一丁亦煮得啱啱好。好多一般的茶记真系连出前一丁都煮得差架。本想试呢度的滑蛋葱花叉烧饭，可惜是日冇供应。改左叫炭火叉烧饭，可以拣大或小，大的会有煎蛋一只，我食的系小。真系比较细碗，但甜豉油自己落，钟意几多落几多。叉烧好厚切，但略嫌太瘦，如果多啲半肥瘦会好食啲。唔太食到炭火烧的香味，同一般叉烧冇乜分别。整体一般。茶记就系食个份本土味道，服务从来都系唔好，但亦系特色之一，坐又例牌要搭抬，但就系最香港的餐厅，久唔久就系会想食。