影片
更多
2018-05-23
1406 浏览
利申：兴城熟客因为又住得近又抵又好食所以经常都会帮衬 沙爹真系食到上晒瘾😋 一开始帮衬我系嗌清汤米线🍜首先留意到嘅就系佢有好多唔同𩠌可以拣 基本上你谂到嘅都会有 而且每个𩠌都同价😼（经验之谈：有啲𩠌系会份量少啲冇咁抵食 不过如果真系钟意食𠮶样𩠌嘅话我都会照嗌 可能一个𩠌嗌两份🤪）然后每碗都会有豆芽、两块腐皮、韭菜（可以全走👍🏻） 我多数都会嗌三四样𩠌（最多可以嗌八个𩠌）因为佢每多一个𩠌都只系加$4 完全可以满足到我呢种「贪心嘅吃货」❤️ 然后米线份量十分足 就算系男仔都够晒饱 （有女仔frd系食唔晒） 下午茶时段仲送两只鸡翼🐔 真系抵到烂 因为平时嗌都要十几廿蚊3只（ps鸡翼嗌麻辣最正！） 到后来终于有一次试食少沙爹米线（因为怕自己受唔到咁辣）简直系发现新大陆 个汤底超上瘾！🤤次次都饮劲多汤 啲𩠌都劲入味 每次食都辣到出晒汗但又好正😍 后尾越嚟越食得辣就开始嗌沙爹 然后更加系一试就返唔到转头（食唔返少沙爹因为会嫌淡😛）一直到而家都系食紧沙爹米线 食左好几年都仲未厌仲系觉得好好味 btw沙爹汤底一定要堂食！外卖嘅话味道真系会差左一半🙂 嘥左个汤底 ps 如果食沙爹汤底嗌河粉嘅话 个汤会干得
因为又住得近又抵又好食所以经常都会帮衬 沙爹真系食到上晒瘾😋
一开始帮衬我系嗌清汤米线🍜
首先留意到嘅就系佢有好多唔同𩠌可以拣 基本上你谂到嘅都会有 而且每个𩠌都同价😼（经验之谈：有啲𩠌系会份量少啲冇咁抵食 不过如果真系钟意食𠮶样𩠌嘅话我都会照嗌 可能一个𩠌嗌两份🤪）
然后每碗都会有豆芽、两块腐皮、韭菜（可以全走👍🏻）
我多数都会嗌三四样𩠌（最多可以嗌八个𩠌）因为佢每多一个𩠌都只系加$4 完全可以满足到我呢种「贪心嘅吃货」❤️
然后米线份量十分足 就算系男仔都够晒饱 （有女仔frd系食唔晒） 下午茶时段仲送两只鸡翼🐔 真系抵到烂 因为平时嗌都要十几廿蚊3只（ps鸡翼嗌麻辣最正！）
到后来终于有一次试食少沙爹米线（因为怕自己受唔到咁辣）简直系发现新大陆 个汤底超上瘾！🤤次次都饮劲多汤 啲𩠌都劲入味 每次食都辣到出晒汗但又好正😍
后尾越嚟越食得辣就开始嗌沙爹 然后更加系一试就返唔到转头（食唔返少沙爹因为会嫌淡😛）一直到而家都系食紧沙爹米线 食左好几年都仲未厌仲系觉得好好味
btw沙爹汤底一定要堂食！外卖嘅话味道真系会差左一半🙂 嘥左个汤底
ps 如果食沙爹汤底嗌河粉嘅话 个汤会干得好快 河粉会索晒啲水 所以如果想试沙爹的话都系建议大家试返米线好啲 清汤则不受影响（麻辣汤底我咁耐以嚟都未试过。。。🤣）
味道 5分 因为我真系好钟意佢嘅沙爹汤底
环境 3分 因为地方算干净但系冷气唔大有时会觉得热 特别系夏天食辣一定会出汗
服务 4分 因为老板好好人从来唔会因为你坐得耐而赶客 有时候个时间差少少先到下午茶佢都会照送鸡翼
卫生 4分 因为食咁多次从来都冇见过碗米线入面有乌糟嘢/啲筷子匙羹唔干净
抵食 5分 因为三四十蚊当晚餐食都够晒饱 又好味道 绝对抵食！
张贴