Nara Thai Cuisine (新城市廣場一期)

营业中

休息中

上次喺尖沙咀食过姊妹店 ʟᴀᴅʏ ɴᴀʀᴀ 觉得食物质素不错又坐得几舒服，今日心痒痒想食泰菜就决定试埋 ɴᴀʀᴀ ᴛʜᴀɪ。基本上两间餐厅提供嘅泰菜选择差不多，但 ʟᴀᴅʏ ɴᴀʀᴀ 有再供应西式餐点如意粉、薯条、ᴛɪʀᴀᴍɪsᴜ等，ɴᴀʀᴀ ᴛʜᴀɪ 则只有供应泰菜。🔸前菜小食 - 虾片 $15🔸泰式猪肉炒河粉 $98呢个见唔少人推介专程叫嚟试吓，果然有惊喜！最钟意猪肉片唔似平时一嚿嚿厚切，薄薄地好嫩滑。河粉同样够薄唔厚，烟韧弹牙，整体唔会太重口味太油腻。🔸泰式炒通菜 $68ᴍʏ ᴀʟʟ ᴛɪᴍᴇ ғᴀᴠᴏᴜʀɪᴛᴇ 炒通菜，翠绿爽口份量足。🔸明炉黄梨肉碎蒸乌头 $268蒸鱼推荐一定要简有明炉烧，一路食都保持住热辣辣特别好味。呢款汤底口味比较清淡少少，饮落带微微酸味，建议加汤一起享用更滋味。🔸芒果糯米饭伴椰奶 $88泰菜最具代表性嘅甜品点少得芒果糯米饭，份量不少记得要留肚。🔹海盐焦糖泰式奶茶 $42虽然平时泰式奶茶已经好甜似乎唔应该再拣有焦糖的版本，但当日就系心血来潮好想试吓呢个组合系咩味🤣虽然冇得叫少甜但系甜度比想像中低，感觉都唔错，唔会系饮完起晒痰𠮶种。