沙田友冰室 (已搬遷) 新店位置

间唔中都会去石门觅食，今日比我发现新开左一间冰室，装修超靓，吸引左我入去。装潢走怀旧香港风，以绿色为主调，非常eye catching，座位都好宽敞舒适，室内设计真系应记一功！秘制沙姜鸡饭 $50朋友点左个沙姜鸡饭，佢竟然赞不绝口，鸡肉嫩滑，唔会韧，又唔鞋。而个沙姜酱绝对系灵魂所在，非常香，入面仲加咗蒜头，极之惹味，少见佢食得晒成个饭！秘制猪扒意粉 配 黑松露酱炒滑蛋+厚多士 $52我就食咗个常餐，估唔到猪扒咁重量级，非常厚身，仲好入味！意粉正常，整体唔错。炒蛋炒得刚刚好，几滑溜，配黑松露一齐食超正！厚多士亦好香脆，我连面包皮都食埋。呢度装修好靓，食物有质素，价钱仲要咁平，真系可谓沙田人嘅饭堂啊！可惜今日蛋挞卖晒，试唔到，下次一定会早啲嚟。