德興茶餐廳 (已結業)

0系沙田区非连锁式粉面店买少见少，呢间德兴仍然系「人头涌涌」，仲要埋隔离间舖位，实行扩充营业.. 当然有佢优胜之处。两个人，叫左个粉果、鱼蛋米和牛肚牛筋米。(见图，但用旧手机拍，所以好暗 >.<)。首先黎左个粉果，热辣辣， d 馅都整得好惹味... 但 d 花生太念，同埋个皮厚左少少。之后到鱼蛋米: 上菜时，d 鱼蛋放在米粉下，系佢地特色黎既... 所以图片只见白蒙蒙一片。佢 d 汤底好白好清，d 鱼蛋非常爽口弹牙，食咁多年水准都系咁高。如果钟意食清淡既，可以试下呢个。至于浓味既呢，就可以试下牛肚牛根米... 呢款汤底比较深色，系落左味精既，但唔算好劲。而个汤底就好重花椒八角味，即使落左牛肚和牛根，但佢唔会系成层油浮起面果 d ~ 而佢既牛肚好爽口，佢既牛肚食落都好有口感。除左呢两个米粉之外，仲想推介多一样 -- 就系四宝汤。佢既汤底并唔系话味精水再加层油，而系用返佢奶白色既鱼汤底.. 四宝亦好足料。所以建议如果唔系食粉既，可以试试佢。