牧羊少年咖啡館 (香港文化博物館)

营业中

休息中

最近入咗沙田区行吓，顺便问吓朋友仔附近有咩好嘢食。朋友仔介绍咗呢间餐厅其实开业咗好耐，不过一直都未有时间去，咁啱今次就可以去试吓！今次我哋叫咗白咖喱猪扒藜麦香米饭配炒鬼佬杂菜，香草青酱鸡肉芦笋意大利粉，炙烧荷兰汁猪肉扒，另外叫咗杯苹果蜜桃先打奶茶同埋旭日。香草青酱鸡肉芦笋意大利粉嘅芦笋劲大条！一入口食得出芦笋有炸过，而且入边好多汁面头好松脆。不过青酱略嫌唔够浓味，坚果嘅味道唔够浓郁，不过胜在意粉入口好弹牙，鸡肉都不过不失啦。白咖喱猪扒饭嘅白咖喱偏向泰式风味，香茅嘅味道比较突出，佢嘅猪扒全部都系厚切，入口啖啖肉，配上藜麦饭食令口感变得冇咁油腻。佢嘅蔬菜亦都有调味过，唔系一般嘅普通伴碟，节瓜入口都好爽脆我哋都好钟意。炙烧荷兰汁猪扒带点芝士味，入口有少少酸酸地刺激食欲，会令到你唔小心一口接一口，不过因为我哋唔记得咗叫咗个猪扒饭，所以食食吓就有啲滞，不过我个人都好推介。饮品方面我觉得质素都唔错，一入口觉得糖分唔高绝对系健康之选，咁佢来讲我觉得呢间餐厅都唔错 大家如果去城门河散步或者想要休闲嘅地方嘅话呢度都系一个唔错嘅选择。