影片
更多
2008-11-07
14 浏览
喺沙田好夜先食饭，西餐茶记都差唔多收工之际，仲有呢间餐厅，帮衬过好多次，次次都几好，㖊晚又系成十点先去食晚饭，当然拣佢啦，佢胜在四大发明粥粉面饭都有齐外，仲可以打冷，咁多嘢食仲开到咁夜，所以佢越夜越好生意！入去坐低佢仍然如常好旺场，好肚饿唔理咁多，乱叫一通： 叉烧肠粉：皮薄到见到入面啲馅，外表晶莹剔透，食落滑嘟嘟，入面嘅叉烧仍然有咬口，豉油惹味，正！ 猪大肠拼鹅肠：大肠整得软绵，卤水味香浓，鹅肠亦够爽够弹，垫底嘅花生香脆，好快清碟！ 炒蚬仔肉：因为突然想食所以叫，今次差咗，有碎壳，好咸，应该食粥先好叫！ 腊味蒸盅头饭：未到冬天都有呢啲嘢食，叫个试吓！腊肉出乎意料嘅瘦，唔太硬，几好味，腊肠够香够肥美，当然啲饭索晒啲油系最好味嘅！食完餐饭都十一点几，仍然好多夜鬼嚟到，我哋都未算叫夜！
喺沙田好夜先食饭，西餐茶记都差唔多收工之际，仲有呢间餐厅，帮衬过好多次，次次都几好，㖊晚又系成十点先去食晚饭，当然拣佢啦，佢胜在四大发明粥粉面饭都有齐外，仲可以打冷，咁多嘢食仲开到咁夜，所以佢越夜越好生意！入去坐低佢仍然如常好旺场，好肚饿唔理咁多，乱叫一通：
叉烧肠粉：皮薄到见到入面啲馅，外表晶莹剔透，食落滑嘟嘟，入面嘅叉烧仍然有咬口，豉油惹味，正！
猪大肠拼鹅肠：大肠整得软绵，卤水味香浓，鹅肠亦够爽够弹，垫底嘅花生香脆，好快清碟！
炒蚬仔肉：因为突然想食所以叫，今次差咗，有碎壳，好咸，应该食粥先好叫！
腊味蒸盅头饭：未到冬天都有呢啲嘢食，叫个试吓！腊肉出乎意料嘅瘦，唔太硬，几好味，腊肠够香够肥美，当然啲饭索晒啲油系最好味嘅！
食完餐饭都十一点几，仍然好多夜鬼嚟到，我哋都未算叫夜！
张贴
