陳根記 (已搬遷) 新店位置

话说我都算系半个沙田友，但我真系好耐无嚟食饭啦！以前大学年代，一大班朋友仔过来几过瘾架，净系两条友过嚟撑台脚都试过，哈！今晚系三个人嘅饭局，点咗4个𩠌同埋4支啤酒。为咗方便店员做嘢，呢度兴自己写好菜单交俾职员就得！啤酒啦㖞，自己行过隔离买啦！『Wasabe 手撕鸡』系呢到嘅招牌菜，点都要试下嘅！可多料架，有鸡肉丝、海蜇、青瓜丝、火腿丝等等。海蜇同青瓜丝好爽口弹牙，但重点系佢嘅 Wasabe 酱汁，种果有少少攻鼻嘅感觉好过瘾。『辣酒煮螺』呢味菜系真嘅，辣辣地好惹味（又唔会太辣），仲有啲肉丝铺面。『芝士猪扒』有浓浓嘅芝士汁，捞饭啱晒！ 猪扒全部大大件，堆到成座山咁高。『金银蛋苋菜』味道清清地，今晚啲𩠌都比较浓味，呢个刚好可以中和一下。