陳根記 (已搬遷) 新店位置

天气开始转凉, 又可以攻入大排档, 禾𪨶邨大排档虽然无沙田同火炭果边咁出名, 但最利害o既系, 唔够7点就己经坐无虚席, 实力都应该有保证1) 乳鸽 - 好耐无食过乳鸽, 难得食到 d 皮脆肉嫩兼肉汁丰富o既鸽, 每人半只实在太唔够喉, 不过少食多滋味, 留番d quota 试第二样小菜2) 椒盐九肚鱼 - 炸浆炸得好薄好贴, 鱼都ok肥美, 上枱热辣辣, 非常香脆可口, 送酒一流3) 豉汁蒸大鳝 - 一睇卖相就好唔吸引, 第一佢唔系大鳝兼唔肥美, 第二系唔入味, 收 $62 实在唔值…4) 冬荫公浸蚬 - 清酒煮蚬就食得多, 冬荫公汤底就真系第一次食, 非常期待, 上枱第一时间试下个汤, 真的淡了一点, 蚬也没有惊喜, 细只兼不太入味, 反而最底浸住o既粉丝就非常出色, 不但吸收晒冬荫公味道, 而且无发胀难食o既感觉, 粉丝过后再试多几啖汤, 先发觉个汤饮一,两啖只会觉得淡口, 但当饮多几啖o既时候, 唔知点解就会越饮越觉得好味兼停唔到口… 要讲呢个汤o既缺点, 就系蚬有沙, 汤好多蚬壳碎, 饮得有d唔畅快, 但整体嚟讲, 好值得一试 !5) 1L苹果汁 下次想试其他小菜, 实在有太