影片
更多
2019-07-17
442 浏览
朋友住沙田围，见到呢间西餐厅都开左几耐下，一直未得闲去试，我黎开沙田就顺道一齐去食左个晚餐。环境装修挺别致，感觉也很干净。同普通西餐厅格调差唔多，招呼亦都好好。晚餐时段人流开始多小小，但总括环境十分干净舒适。同店名一样，主食seafood and steak，餐牌上都有唔少选择拣。小食，沙律同饮品都有供应。因为我地比较钟意食海鲜同埋想食饭落肚，所以叫左呢个烤海鲜墨鱼汁意大利饭（$148）。里面有青口，两份大虾同带子，size都唔算细。上面带一层芝士片轻轻隔开饭同海鲜。软软的芝士片可以拌落饭到一齐食，意大利饭味道浓郁，非常creamy。有少少芝士粉调味，但亦然食得出海鲜既味道。配上浓郁既饭底，一个饭都会食得好饱下。香辣烤鸡翅（$68）佢系半只鸡翼一件，食起来比较方便。虽然写系香辣，但本人觉得辣味唔重，正常人都接受到。鸡肉肉质唔老，外脆内软，算得上开胃小食。最后叫左个甜品香橙梳乎厘（$53）。香橙味好浓，暖度亦刚刚好，份量不少，两位女生可以share同一个甜品亦觉得够喉。的确fluffy，特色大概系特别一点既香橙味，有清新既感觉。同平时中上级西餐厅既梳乎厘级数差唔多。佢都有set

环境装修挺别致，感觉也很干净。同普通西餐厅格调差唔多，招呼亦都好好。晚餐时段人流开始多小小，但总括环境十分干净舒适。
同店名一样，主食seafood and steak，餐牌上都有唔少选择拣。小食，沙律同饮品都有供应。

因为我地比较钟意食海鲜同埋想食饭落肚，所以叫左呢个烤海鲜墨鱼汁意大利饭（$148）。里面有青口，两份大虾同带子，size都唔算细。上面带一层芝士片轻轻隔开饭同海鲜。软软的芝士片可以拌落饭到一齐食，意大利饭味道浓郁，非常creamy。

有少少芝士粉调味，但亦然食得出海鲜既味道。配上浓郁既饭底，一个饭都会食得好饱下。

香辣烤鸡翅（$68）
佢系半只鸡翼一件，食起来比较方便。虽然写系香辣，但本人觉得辣味唔重，正常人都接受到。鸡肉肉质唔老，外脆内软，算得上开胃小食。

最后叫左个甜品香橙梳乎厘（$53）。香橙味好浓，暖度亦刚刚好，份量不少，两位女生可以share同一个甜品亦觉得够喉。的确fluffy，特色大概系特别一点既香橙味，有清新既感觉。同平时中上级西餐厅既梳乎厘级数差唔多。
佢都有set dinner，但今次可能因为两位女生晚餐轻食，意大利饭亦都饱肚，大概300蚊都食得饱。下次如有机会可能会再试佢既排餐，因为见隔离食都感觉好香。
餐厅位置系沙田围站过随道就系，都几就脚，如果系沙田围附近想食一餐比较安静又有质素既西餐，个人觉得间系一间唔错既选择。
张贴
