M3 Italian (已結業)

好多人都唔知道其实沙田围站即系河畔花园𠮶边附近有好多嘢食，因为一讲起沙田大家应该净系会谂起新城市广场。 今次我就去咗沙田围站附近有一间意大利餐厅，呢间餐厅唔净止食意大利嘢其实西餐有嘅嘢佢都有。 今次我哋去食因为知道佢星期一至四夜晚都有十蚊生蚝，只要叫满200蚊就可以加十蚊一只嘅生蚝， 于是我同男朋友去食嘅时候就要咗半打。 跟住我哋冇人叫咗一个set dinner，佢就叫咗美国肉眼扒， 我就叫咗个德国猪手。 Set dinner包埋一个头盘一个汤同埋一个甜品，我嗌咗个龙虾汤，都几好饮唔系出面𠮶啲非常之咸嘅龙虾汤。 头盘都有惊喜，我哋要咗哈蜜瓜parma ham，哈蜜瓜好新鲜好甜。咸猪手整体嚟讲皮脆肉嫩， 只系有部分边缘位置比较干， 但系都好好食唔会太咸。 西冷牛我哋要咗七成熟， 个份量都好足够，我哋两个人都食得好饱， 最值得一提嘅就系佢哋个半点有烤焗原个蒜头，都系啲认真嘅西餐厅先至会咁样做。而且佢哋好著重帮你整理枱上面食完嘅器具，唔好以为沙田真系一啲落后嘅地方， 我觉得呢一间餐厅认真嘅程度绝对比美好多老牌子嘅扒房。最后仲有一个蓝莓焦糖炖蛋，为我哋呢一餐画上一个月美嘅句号。