影片
更多
2023-01-05
247 浏览
有人话沙田又好靓嘅烧肉，我都唔信，地点仲系要喺沙田围，劲好奇到底有乜好。介绍个位系有信心嘅推介姐，当然得个信字，去到屋村，更加觉得好大惊喜，然之后入到餐厅，餐厅仲要有飞船送餐。最吸引嘅当然系宫崎和牛套餐，然后可以选择你自己喜欢嘅肉类，仲有其他猪肉同鸡肉，再加上蔬菜，唯一唔好嘅系冇乜甜品选择。其中一个餐系贪心者最爱，有A5 和牛肉眼盖 ,A4 和牛肩肉 ,A4 和牛三角腩，三种肉，讲真，一定会有你爱嘅好味，我自己个人钟意三角腩，直头要食多一碟。宫崎 A5 和牛西冷，有劲大块和牛，而且好靓，和牛油份当然强，但唔会系好油。个餐仲有饭同汤，提议如果你讲究嘅话一定要食紫菜蛋饭，真系好好食，对面一男一女可能后生，食完一个餐仲要加多碗饭，我好想食但都真系要休战。日本鸡爽肉就真系我好爱嘅项目，好鬼弹牙而且佢有调过味道，鸡爽肉绝对系你不能错过嘅项目之一。另外佢嘅蔬菜全部都有加上调味，唔系净系简单番薯或者粟米，大部份嘅蔬菜类都食得烧。另外佢嘅酱汁同调味都好充足，大家记得要加啲烧肉汁。个人觉得佢个店真系几好，如果你有细路仔应该会几开心，全间店舖嘅装修都非常有心思，特别系𠮶啲可以送餐嘅火车，有得玩又有得食，一
有人话沙田又好靓嘅烧肉，我都唔信，地点仲系要喺沙田围，劲好奇到底有乜好。
介绍个位系有信心嘅推介姐，当然得个信字，去到屋村，更加觉得好大惊喜，然之后入到餐厅，餐厅仲要有飞船送餐。
最吸引嘅当然系宫崎和牛套餐，然后可以选择你自己喜欢嘅肉类，仲有其他猪肉同鸡肉，再加上蔬菜，唯一唔好嘅系冇乜甜品选择。
其中一个餐系贪心者最爱，有A5 和牛肉眼盖 ,A4 和牛肩肉 ,A4 和牛三角腩，三种肉，讲真，一定会有你爱嘅好味，我自己个人钟意三角腩，直头要食多一碟。
宫崎 A5 和牛西冷，有劲大块和牛，而且好靓，和牛油份当然强，但唔会系好油。
个餐仲有饭同汤，提议如果你讲究嘅话一定要食紫菜蛋饭，真系好好食，对面一男一女可能后生，食完一个餐仲要加多碗饭，我好想食但都真系要休战。
日本鸡爽肉就真系我好爱嘅项目，好鬼弹牙而且佢有调过味道，鸡爽肉绝对系你不能错过嘅项目之一。
另外佢嘅蔬菜全部都有加上调味，唔系净系简单番薯或者粟米，大部份嘅蔬菜类都食得烧。
另外佢嘅酱汁同调味都好充足，大家记得要加啲烧肉汁。
个人觉得佢个店真系几好，如果你有细路仔应该会几开心，全间店舖嘅装修都非常有心思，特别系𠮶啲可以送餐嘅火车，有得玩又有得食，一定推荐。
然后我就知道点解佢要开喺屋村，真系好啱一家大细食吓烧肉咁，又平又靓，不过要留意，啱啱时间可能要等吓位。
张贴
