大越越南餐廳

营业中

休息中

适逢朋友仔搬咗入嚟沙田围，入嚟探佢兼一齐去附近觅食。无意间发现咗间好味又抵食嘅越南嘢餐厅。比佢餐厅出面嘅油画吸引咗行过去🤭 我哋叫咗碗蚬港蕃茄蟹膏虾丸扎肉金边粉 ，觉得佢嘅粉面汤底无味精感，都几足料 汤底有蕃茄味之余仲饮到蟹膏嘅鲜味。另外朋友仲嗌左香茅猪扒捞檬，份量一样都系好足好大碗😋猪扒大大块 够惹味，仲要加购嘢饮都只系$12。 餐厅小食菜式都几多选择、我哋叫嘅依几款都好好味 ，特别系芝心虾多士好邪恶一啖咬落去除咗外表脆口芝士仲滴出嚟，不过食𠮶阵小心啲 都真系几热～ 另外法式蒜蓉牛油鸡翼够蒜香同脆口 ，最特别嘅系我喺其他越南餐厅比较少见到有嘅蚬港胡椒扎蹄 依度竟然有，佢嘅菜式又真系几地道。 真心有惊喜😍估唔到沙田围有间抵食又地道嘅越南餐厅。相信下次入嚟都会再帮衬试埋佢贴喺墙身嘅其他特色菜。