美心皇宮 (裝修中)

有一段時間無黎沙田美心皇宮飲茶，星期日中午時間過嚟，諗住預先在Food gulu攞定位，但一直都話無需排隊，原來已改了用餐限時90分鐘，估計呢個就係唔使等位的原因，不過可能我去到時已經是中午1點，90分鐘後有好多空位，亦無叫我離座韭菜煎魚餅，第一次食，同我想像嘅完全唔同，好似食緊一舊魚蛋，中間混咗一啲韭菜，味道普通，亦比較油膩煎堆，我覺得係呢間酒樓嘅名物，新鮮炸出嚟之後，好快就賣晒，不過今次呢個煎堆比較細個，皮亦唔夠薄，賣點只係新鮮，有溫度菲林芝麻卷，呢個懷舊點心唔係每一間酒樓都有做，芝麻味濃郁，但係質地唔夠滑，甜度正常，食開少甜的就會覺得太甜了白灼牛肉半生菜，呢碟係較為清淡的，配返加左蔥、辣椒煮過嘅甜豉油，不過不失啦！XO醬煎腸粉，做得唔錯，腸粉夠味，如果可以多一些XO醬就更好最後呢碟非常邪惡，肉鬆鹹蛋炸魚皮，雖然好油，但蛋黃同肉鬆都可以上到塊魚皮上邊，味道不錯呢！