北海道食堂 (已結業)

新界区比较少日式放题，通常都要去油尖旺，最近有朋友介绍沙田开左间日式铁板烧入到间餐厅，地方宽敞又卫生，装修好有日本居酒屋既感觉，仲有个玻璃厨房，可以见到厨师炒铁板烧。坐底左，急不及待点左各样鱼生，特别推介三文鱼、油甘鱼、鲜带子、荣螺、仿鲍片、墨鱼、北寄贝，样样都鲜甜肥美。寿司味道都好鲜味，一口size , 食多几款都唔怕食滞。熟食方面都好多选择，炸物天妇罗, 我至爱炸虾、炸蕃薯、 炸多春鱼, 即叫即炸，食个阵时仲热辣辣，外脆内嫩。 另外牛肉火锅都唔错，汤浓牛肉香，仲有d蔬菜食下。铁板烧方面都有惊喜，竟然有鹅肝😍好好味呀，唔骚又充满油香。 其他仲有广岛蚝、鲭鱼、大虾， 味道一样都系出色。另外串烧方面，点左牛舌、鸡肾、猪腩肉，味道唔错。 仲有d特色野，例如清酒煮青口、沙律、牛肉乌冬同拉面。