沙田強記雞粥 (已結業)

由細睇電視都聽過強記個名，到大個小小發覺唔止一間強記...，多翻查訪，大圍呢間應該就係正身......以前都去過多次，不過當時實不太流行食飯影相，所以都無咩記錄，適逢去見個朋友係住沙田，當晚就去強記食個宵夜......其實強記應該係家族經營，因為聽到工作人員都舅父阿姨咁叫，而且屬於街坊大排檔式招呼，如果諗住要好有禮貌就不要去了 當晚吃了燒乳鴿 雞粥 豉油王魷魚筒，始終係宵夜，不會叫太多，乳鴿可說係最靠得住食品，相信特意去吃的人都會叫，絕非街坊的雛乳鴿，厚肉但好入味，炸得好香，見其他食評寫話已經退步了，我相信是整個香港都退了，所以這裡仍相信係香港頭幾位好吃乳鴿之一；沙田雞粥，係沙田出名食品，是否由這家帶起我就不知道，雞粥粥底好綿，雞亦好好味，不過...由於唔係生滾式，所以其實個粥係無甚雞味，但2者味道是不錯；魷魚筒係因為我喜歡吃所以才叫，魷魚筒本身很鮮，豉油是甜豉油，芽菜墊底，鮮甜味美，非常夾，埋單好像百六，其實絕非抵吃大件類，不過味道不錯，係吃飯一個好選擇......另外推介...椒鹽鮮魷 蠔餅 炸大腸，都係我自己吃過覺得好味；這只收現金哦......