大越越南餐廳

营业中

休息中

终于的起心肝去左学车，上完第一堂约左朋友系驾驶学院附近既餐厅食越南菜，见到佢地既Menu价钱亲民，而且装修得好企理，一于坐低试下先~🌟咖喱牛腩汤粉汤底无味精，用药材同鸡壳熬制，特别鲜味，加入香浓既咖喱牛腩，牛腩煮到好腍好入味，河粉吸收哂汤底既精华好好食👍🏻👍🏻🌟烤猪颈肉饭 朋友拣左烤猪颈肉饭，猪颈肉烤到脆边，食落爽口有嚼劲，份量都几多，性价比高😚🌟海南鸡饭 最近爱上左海南鸡饭，见到佢地有得叫即刻叫返碟黎试下先，鸡油饭好香，鸡肉嫩滑无骨，连皮食就最正🥰🥰🥰🌟三宝饭 三宝饭系指扎肉、鸡翼同猪扒，鸡翼同猪扒半煎炸够哂香口，扎肉都好好食😋🌟炸春卷 小食必点炸春卷，够哂香口，配料都几多，正😌🌟扎肉蒸粉包 第一次食扎肉蒸粉包，外皮滑溜，厚薄适中，馅料都好丰富，有免治猪肉、木耳、洋葱等，加埋泰式甜酸汁，口感层次丰富😋😋🌟酸辣凤爪 朋友点左呢个酸辣凤爪，味道调得好好，凤爪腌得好入味，酱汁酸酸辣辣够开胃💯🌟椰汁珍多冰椰子味道香浓，呢啲天气饮就最好不过😚🌟冻蜂蜜玫瑰柚子茶朋友叫左杯玫瑰柚子茶，有淡淡既柚子清香，好开胃☺️