二鍋頭 (好運中心)

营业中

休息中

今日放学同朋友一齐食饭，咁多人梗系食鸡煲！我地嚟咗沙田嘅二锅头食鸡煲火锅放题。除咗鸡煲，仲可以任食鸭煲同猪手煲，咁边炉我哋就拣咗中间𠮶个严选安格斯牛餐，$268可以任食鸡煲、鸭煲、猪手煲、Binlo两个钟，非常抵食！二锅头惹味鸡煲我哋叫咗个少辣嘅鸡煲，厨师会先喺厨房先炒一炒先上枱，上枱后，店员会再炒炒，确保鸡煲冇黐底同热辣辣。鸡煲有好多鸡件、大葱、洋葱同凤爪。鸡煲酱有好多蒜蓉，好香口，少辣有麻麻地嘅味道，好过瘾。鸡件大旧多肉，肉质算滑。大葱同洋葱吸满酱汁嘅味道，好惹味！严选安格斯牛餐 $268火锅方面，我哋叫咗蕃茄薯仔汤。依个set我最钟意叫安格斯封门柳。封门柳切得大片，仲有牛味浓郁，口感软淋。另外，我哋仲叫咗蚬，蚬肉新鲜鲜甜。除咗有QR code点单，出边仲有好多嘢食可以夹！其中我最钟意萝卜、粟米、花枝丸同响铃。萝卜、粟米味道鲜甜，仲吸收咗汤底嘅美味。花枝丸大大粒，煮完仲更加胀卜卜，食到花枝嘅粒粒，好味！除此之外，出面仲有多款饮品同甜品选择。今餐真系好丰富，又抵食，推荐大家过嚟试试呀！