幸匠燒 (新城市廣場一期) (已結業)

同家姐庆祝生日，同屋企人去咗新开嘅幸匠烧试下。点咗杂锦刺身沙律、鸡泡鱼干、和牛乌冬、清酒煮蚬、牛油果软壳蟹卷、炙烧三文鱼松叶蟹卷、杂锦刺身沙律、各式串烧。最推荐刺身沙律同清酒煮蚬，胜在啲海鲜够新鲜够甜。清酒煮蚬够香酒味、蚬够大只。牛油果软壳蟹卷都唔错，软壳蟹炸得够脆够香。三文鱼松叶蟹卷就一般啦，调味太甜，盖过食材嘅原味。和牛乌冬够大碗，肉质唔差，但牛肉味唔浓。鸡泡鱼干就甜甜地，无咩特别。串烧整体来讲都几香，几好食，但系豚肉菠萝串烧唔推荐。菠萝令到块肉好腍、碎晒，口感唔好，啲味都唔夹。最后送咗柚子泡芙畀我哋，几香柚子味几好食，唔会太甜。