百味章魚

营业中

休息中

喺沙田做嘢，成日食嚟食去都系啲连锁店，而且都系好大份量，对于细食嘅我嚟讲，每一次都食净，真系好有罪恶感，呢间百味章鱼，主打唔同口味嘅章鱼烧，分咗两个价钱，分别系六粒/九粒，完全可以就返自己当时嘅胃口👍🏻两个女仔share嚟食，嗌三盒啱啱好！可以食到唔同嘅味，真系开心好多！大阪章鱼烧~经典嘅口味一定要食！每一粒都令我谂起去大阪旅行𠮶时嘅心情😁食完即刻开心晒！里面嘅章鱼仲要有两大粒！非常弹牙！同时反映到用料的确好新鲜！店家亦非常细心！将柴鱼片放咗喺旁边，唔会湿晒/淋晒！香葱章鱼烧~章鱼烧上面铺满晒香葱，真系非常震撼，而且汁酱令葱粒可以黏满晒整粒！简直360度无死角！绝对系爱葱人士必点！芝士章鱼烧~芝士可以做到拉丝效果，经过灸烧之后，更加突显芝士嘅奶香！加埋美乃滋，简直系绝配！听同事讲，佢系旺角中心「真‧章鱼无双」同一班底，唔怪得知咁有水准啦！