農民泰菜 (已結業)

系沙田肚饿又想食海南鸡，咁啱行过好运中心见到呢间农民泰菜嘅广告貌似几吸引就坐地试试啦。餐厅风格比较Casual，餐牌选择都十分多，也都好吸引。最后女朋友同我心意已决都系想食海南鸡同埋佢嘅油饭，所以叫左个海南鸡二人餐当early dinner。食物准备好之后就发现饭菜嘅份量都十分之丰富。两大碗油饭配半只海南鸡以及一大碟马拉盏通菜同凤爪。海南鸡肉质唔干，嫩滑有汁，脂肪唔太多。鸡嘅味道刚刚好，唔太淡太咸。通菜比较浓味，可能唔啱食开清淡嘅朋友，但系对我地两个黎讲味道十分好，配埋油饭食就perfect。凤爪味道唔太辣同埋去骨都去得十分干净。配搭咁多𩠌送饭我地最后都清晒两碗油饭。套餐送两杯饮品，分别选择左珍多冰同埋热咸柠水。珍多冰嘅粉条数量都十分多，而杯咸柠水本身粒咸柠檬已经好浓味，饮完喉咙好舒服。总体黎讲想系沙田平价食泰菜，农民泰菜系一间超值又好味嘅选择，下次行过沙田都会再食。