BRICK LANE Deli (已結業)

一直很喜欢英伦风的 Bricklane, 我又是沙田友。知道佢哋新开张，第一时间去试。可能真系新开，人比较多要等位，出餐速度有待改善。点了英伦名菜炸鱼薯条，鱼够硬身，薯条够脆。再来一个建力士批，好好味，牛味突出，唯独是跟餐面包只得一片。好似未够饱，本来想叫个 chicken burger, 谂一谂，都系要了一客烧鸡。顺带一提，呢度点餐系要自己出去买，有人送过黎，不过就冇加一。半只鸡嘅卖相就好一般，一咬落去又有惊喜㖞，多汁到你吾信，哈哈，肉质又恰到好处，但系要等 20 分钟先有得吃。好似其他 Bricklane 冇呢款烧鸡㖞🤔。饮品选择不多，试左自家制水果茶，因为卖相吸引！饮落好 fresh，水果同茶味互相配合，又大樽，索价 $29 好抵啦。