影片
更多
2021-12-27
785 浏览
呢个月短暂调职到石门，沙田区餐厅系多，不过都出名系素食沙漠，石门第一城一带又同沙田市中心隔好远，素食嘅我表示呢区本身已经出名冇野食，素食=食得屎？石门𠮶几间太厌，唯有行远啲到第一城附近觅食，偶然睇到街市有素食素三𩠌饭 HKD 45 / 净𩠌3款 HKD 38🍱每日款式唔同，提供五款素菜款式任拣三款，饭底以藜麦饭做基底，亦可以转配藜麦饭团🍙份量好大份，对一个女仔嚟讲，其实唔食饭都够饱。当日我嘅餐单如下，全部都系纯素，同朋友share食晒当日个menu1. 素玉骨茶耙齿萝卜东坡玉你想像佢系云耳冬菇萝卜薯仔炆素腩肉会比较容易理解。冇肉骨茶味，主要味道都系来自酱油同冬菇。咁啱呢份就唔多油，芡汁唔多，味道亦唔系好油腻浓味。萝卜冬菇都煮得淋身，略嫌煮得比较干身，唔够汁送饭😂比较得意系素五花腩系用大豆纤维制作，而中间晶莹剔透嘅「肥膏」就用上蒟蒻，当然唔可以用真肉肥膏比较口感，呢种蒟蒻比较似关东煮𠮶种硬实蒟蒻，食落几爽口，配埋大豆纤维嘅素肉，口感几特别，听讲系佢自己整omg😦2. 家乡炒荷兰豆莲藕片素卤肠素炸大肠我都系第一次食🤭因为成世人都唔食内脏冇食过真炸大肠，似唔似就冇得讲。素卤肠嘅特色系真系有一
素三𩠌饭 HKD 45 / 净𩠌3款 HKD 38🍱
每日款式唔同，提供五款素菜款式任拣三款，饭底以藜麦饭做基底，亦可以转配藜麦饭团🍙份量好大份，对一个女仔嚟讲，其实唔食饭都够饱。
当日我嘅餐单如下，全部都系纯素，同朋友share食晒当日个menu
1. 素玉骨茶耙齿萝卜东坡玉
你想像佢系云耳冬菇萝卜薯仔炆素腩肉会比较容易理解。冇肉骨茶味，主要味道都系来自酱油同冬菇。咁啱呢份就唔多油，芡汁唔多，味道亦唔系好油腻浓味。萝卜冬菇都煮得淋身，略嫌煮得比较干身，唔够汁送饭😂比较得意系素五花腩系用大豆纤维制作，而中间晶莹剔透嘅「肥膏」就用上蒟蒻，当然唔可以用真肉肥膏比较口感，呢种蒟蒻比较似关东煮𠮶种硬实蒟蒻，食落几爽口，配埋大豆纤维嘅素肉，口感几特别，听讲系佢自己整omg😦
2. 家乡炒荷兰豆莲藕片素卤肠
素炸大肠我都系第一次食🤭因为成世人都唔食内脏冇食过真炸大肠，似唔似就冇得讲。素卤肠嘅特色系真系有一层层，肠衣同肠内壁嘅口感都模仿埋😦似系腐皮、蒟蒻制成，口感有啲似脆皮包住层鱼蛋。不过始终我觉得猪大肠好呕心，就算素食都系唔太钟意🥴食惯素嘅朋友可能都会觉得太像真而摆唔落口嘅感觉😶荷兰豆莲藕都系啱啱好，唔会有大镬饭煮太淋太黄嘅弊病，就系普通家常菜。
3. 蕃茄煮薯仔蔬菜百页
番茄薯仔今次特别在于加入海带芽、百页豆腐干一齐炒，海带同番茄好似唔太夹，摆埋一齐又出乎意外地好食👍🏻🍅海带芽煮到好滑，唔会有海水味，捞番茄有一种食茄蛋滑溜嘅感觉又唔腥🤤薯仔似系西班牙蛋饼𠮶种爽口薯仔，不过我都系prefer焖淋啲嘅可以索汁，爽薯仔食唔太惯😕至于百页都唔错，带烟韧又索晒啲精华，唔油腻，份量多啲就好啦🙃
4. 姜炒芥兰
同普通茶记炒嘅姜汁芥兰有啲唔同，呢个真系净系得菜冇姜蓉，取而代之用姜片炒。姜味比较温和唔辣，连我呢啲唔钟意姜嘅人都接受到。以出街炒菜嚟讲算唔油，清清地屋企炒菜🥦
5. 香煎自家制七彩腐皮卷
呢个好惊喜呢个腐皮卷真系煎而非油炸，煎得少少脆口，表面冇咩油光。里面摆满椰菜、萝卜、木耳、冬菇等等，令成件事一啲都唔罪恶之余，仲保留到腐皮本身嘅豆味坊间冇乜腐皮卷系真系食到豆味只有油味…每条都蔬菜多过腐皮，仲可以单买当小食都唔错。
当日买左两个素饭盒，老板娘就送左个杞子红枣糕俾我‼️红枣糕大概砵仔糕size, 口感烟韧唔系最滑溜𠮶种，会食到枣泥伙粒，唔算好甜。小店除咗卖饭盒，仲有自制糕点、寿司、饭团，加埋一啲素酱料、素食材等俾大家返去煮，行过都可以试下。
$45
70 浏览
0 赞好
0 留言
张贴
