影片
更多
2024-11-11
645 浏览
有日平日lunch同埋友人去咗沙田呢间新开嘅另一间日本过江龙汉堡扒专门店，拎咗飞等咗大概15分钟就有得入去，入去前会喺购票机落订单先，呢间嘅套餐比较有弹性，可以根据自己食量拣三个或者两个汉堡扒。今次同朋友分别叫咗两个餐，一个系两块原味和牛汉堡扒加一块和牛芝士汉堡扒，另一个系各一块和牛芝士汉堡扒加和牛蟹肉汉堡扒，套餐已经包括咗一碗饭、少量蔬菜、一碗面豉汤同埋一只已经打咗加咗豉油嘅生鸡蛋，而且白饭蔬菜同汤都可以任加。一坐低冇耐，啲汉堡扒好快就上枱，汉堡扒里面嘅肉比较偏生，侍应话可以按照自己嘅生熟喜好程度再煎耐啲个扒先进食。建议嘅进食方法系先就咁食原汁原味嘅汉堡扒，然后再加埋啲酱汁配料一齐食，最后系将只蛋捞埋落啲饭一齐享用。调味料相对简单，冇乜特别惊喜，加上汉堡扒本身已经调咗味道，其实都需要点调味料。呢度嘅汉堡扒搓出嚟感觉比较松散，味道都唔错，比较印象深刻嘅系食和牛芝士汉堡扒，上枱嘅时候块扒已经铺咗一层热熔芝士，跟住侍应会即刻喺面前再额外跑一堆芝士碎喺块扒上面，拎嚟送饭一流。最后就系试蟹肉和牛汉堡扒，呢块扒本身已经放咗喺一个铁兜上面，里面浸咗啲调味酸汁，汉堡扒上面嘅紫苏叶放咗一啲蟹肉、萝卜蓉
今次同朋友分别叫咗两个餐，一个系两块原味和牛汉堡扒加一块和牛芝士汉堡扒，另一个系各一块和牛芝士汉堡扒加和牛蟹肉汉堡扒，套餐已经包括咗一碗饭、少量蔬菜、一碗面豉汤同埋一只已经打咗加咗豉油嘅生鸡蛋，而且白饭蔬菜同汤都可以任加。
一坐低冇耐，啲汉堡扒好快就上枱，汉堡扒里面嘅肉比较偏生，侍应话可以按照自己嘅生熟喜好程度再煎耐啲个扒先进食。建议嘅进食方法系先就咁食原汁原味嘅汉堡扒，然后再加埋啲酱汁配料一齐食，最后系将只蛋捞埋落啲饭一齐享用。调味料相对简单，冇乜特别惊喜，加上汉堡扒本身已经调咗味道，其实都需要点调味料。
呢度嘅汉堡扒搓出嚟感觉比较松散，味道都唔错，比较印象深刻嘅系食和牛芝士汉堡扒，上枱嘅时候块扒已经铺咗一层热熔芝士，跟住侍应会即刻喺面前再额外跑一堆芝士碎喺块扒上面，拎嚟送饭一流。
最后就系试蟹肉和牛汉堡扒，呢块扒本身已经放咗喺一个铁兜上面，里面浸咗啲调味酸汁，汉堡扒上面嘅紫苏叶放咗一啲蟹肉、萝卜蓉及青柠。捞埋一齐食之后发觉蟹肉同汉堡扒唔系好夹，分开嚟食好似比较适合。
和牛汉堡扒
166 浏览
0 赞好
0 留言
芝士和牛汉堡扒
148 浏览
1 赞好
0 留言
张贴
