影片
更多
2021-05-24
43 浏览
住咗沙田咁耐，一向都知道新城市广场嘅餐厅都系行高档路线，有时想食得平民少少都冇乜选择。但竟然系连城广场入边有呢一间价钱超值，食物质素高嘅平民餐厅，以后又可以做饭堂我哋点左一人套餐再散叫，一份都只系$86 ，有主菜有小食有嘢饮，特饮仲唔使加钱，净系讲价钱已经好吸引。但系佢哋并唔将货就价，嘢食真系几好食，虽然选择唔算好多，但系我哋两个餐嘅所有嘢都系唔错。生牛肉汤檬汤底系浓牛肉汤，有点洋葱清香，食得出冇味精，因为食完完全唔会口渴。生牛肉非常嫩口，肉质嫩滑牛肉薄切，满满牛肉香味，入口完全无筋。份量好大，男士都够饱。越好汤檬配猪扒煎香左嘅猪扒另外上碟，配上花生碎葱花，非常惹味。调味刚刚好，唔需要点酱汁都已经好够味。肉质有咬口，唔会一咬就散，亦都唔会轫到咬唔开。炸春卷推介！春卷炸得香脆得来又唔会有太多嘅油份，非常脆口，食多几件都唔会觉得Heavy泡菜仙爪开头以为泡菜系韩式泡菜，原来系用醋腌咗嘅菜同埋萝卜；而仙爪就系凤爪。同传统嘅白云凤爪好类似，凤爪腌得够入味，腌菜亦都好开胃青灵梳打及咸柠七呢度晚饭时间一个人都只系80几蚊，如果下午茶过嚟仲平都只系40几蚊，有碗面有嘢饮，喺沙田市中心来讲真系好抵食！
住咗沙田咁耐，一向都知道新城市广场嘅餐厅都系行高档路线，有时想食得平民少少都冇乜选择。但竟然系连城广场入边有呢一间价钱超值，食物质素高嘅平民餐厅，以后又可以做饭堂
我哋点左一人套餐再散叫，一份都只系$86 ，有主菜有小食有嘢饮，特饮仲唔使加钱，净系讲价钱已经好吸引。但系佢哋并唔将货就价，嘢食真系几好食，虽然选择唔算好多，但系我哋两个餐嘅所有嘢都系唔错。
生牛肉汤檬
汤底系浓牛肉汤，有点洋葱清香，食得出冇味精，因为食完完全唔会口渴。生牛肉非常嫩口，肉质嫩滑牛肉薄切，满满牛肉香味，入口完全无筋。份量好大，男士都够饱。
越好汤檬配猪扒
煎香左嘅猪扒另外上碟，配上花生碎葱花，非常惹味。调味刚刚好，唔需要点酱汁都已经好够味。肉质有咬口，唔会一咬就散，亦都唔会轫到咬唔开。
炸春卷
推介！春卷炸得香脆得来又唔会有太多嘅油份，非常脆口，食多几件都唔会觉得Heavy
泡菜仙爪
开头以为泡菜系韩式泡菜，原来系用醋腌咗嘅菜同埋萝卜；而仙爪就系凤爪。同传统嘅白云凤爪好类似，凤爪腌得够入味，腌菜亦都好开胃
青灵梳打及咸柠七
呢度晚饭时间一个人都只系80几蚊，如果下午茶过嚟仲平都只系40几蚊，有碗面有嘢饮，喺沙田市中心来讲真系好抵食！
张贴
