Parkview (新城市廣場一期)

营业中

休息中

晚市加48蚊会包一份餐包、餐汤、甜品同餐饮。餐包系自家制面包，新鲜松软，口感唔错！意式青酱煮码只青口配薯条 $76青口够新鲜大只，不过唔系几食到青酱嘅味，味道偏淡。薯条外脆内软，炸得啱啱好！鲜三文鱼忌廉意粉伴明太子及三文鱼籽 $128三文鱼份量算多，不过肉质偏嚡。唔知系咪落得太多忌廉，好似盖过咗明太子嘅味。三文鱼籽就系面头𠮶几粒。意粉偏腍身creamy，个人觉得硬番少少会有咬口啲。西班牙辣肉肠海虾仁蕃茄意大利饭 $138虾仁有4只，几爽口弹牙！辣肉肠唔系几食到。饭嘅味道系偏蕃茄嘅酸味再带啲啲辣味，冇特别惊喜。食物嘅味道还好，称唔上系正宗西餐厅，但价钱就偏贵。环境算舒适，不过晚市用餐时间为75分钟，坐唔得太耐喇。