大越越南餐廳

营业中

休息中

今日放工后同朋友黎到沙田围一间越南餐厅食野--大越越南餐厅。餐厅面积大，座位宽敞，坐得舒服。我地叫咗一碗大越生牛肉牛腩片汤河粉（$65）同一碟越式烤猪颈肉饭（$63）。河粉非常大碗，加入适量嘅牛肉，非常饱肚，河粉入面仲有一旧白萝卜，好清甜。而猪颈肉嘅肉质好爽，肥瘦适中。小食方面，我地叫咗$42沙爹牛肉串（3串）同$53芝心虾多士（4件）。沙嗲牛肉串d肉好大旧，肉上面放咗d 脆脆。至于芝心虾多士，多士炸得非常脆，咬落去会食到融融地嘅芝士同虾，卖相吸引。饮品方面，我地叫咗冻蜂蜜玫瑰柚子茶同椰汁冰。朋友话杯椰汁冰好清爽，饮到椰子嘅香甜味道。而我杯冻蜂蜜玫瑰柚子茶甜度适中，饮品上有三粒玫瑰花浮上面，增添了视觉美感。