源峰

营业中

休息中

呢啲日式高级餐厅向来价钱不太亲民，不过若果要食，识食一定系食平日午餐💪🏻餐厅位于酒店顶层28楼，全落地玻璃、楼底高，环境清幽。当日天气好好，一出lift成个环境好光猛，甫入餐厅见到嘅系厨师整寿司/炉端烧位。因为我哋要倾偈所以坐咗入少少嘅卡位。卡位似包厢，好有私人空间。位置阔落，不过近罅隙感觉清洁得不太干净，同埋坐位好似感觉好旧有啲甩青。先系食咗沙律同呢个——黑松露茶碗蒸👍🏻黑松露唔吝啬，味浓蛋滑之后叫咗一个新鲜日本入口嘅白身鱼寿司set, 仲有——日本直送北寄贝刺身：好甜！唔腥，大大只😋呢个另加嘅（必食）——火炙和牛海胆寿司成旧入口差啲口都合唔埋！净系食呢一旧都已经好漏，烧出岩岩好嘅牛油脂肪，腍得嚟仲有少少生牛筋性。估唔到以为都系漏嘅海胆，𠮶阵海水味同甜味可以中和返个牛油脂，成旧入口真系岩岩好。